Bransjeoversikt

Fem ulike bransjar står sterkt i Sunnhordland. I tillegg finn ein eitt breitt spekter av andre bransjar

Havbruk

Havbruksnæringa er stor i Sunnhordland. Næringa er i stadig vekst. Sjømaten er i særklasse.

Blant dei største havfiskeflåtane
Havbruk og det å hausta frå havet har alltid vore viktig for sunnhordlendingane. Austevoll, ein av dei 8 kommunane i Sunnhordland, har ein av dei største og mest moderne havfiskeflåtane i landet.

I Sunnhordland finn du yngelproduksjon og oppdrettsanlegg, slakteri og foredlingsbedrifter. Laks og aure dominerer, men ein prøver også ut andre fiskeslag  og skjelsortar.


Gründermiljø
Fleire av dei store aktørane i næringa har utspring frå dei lokale gründarmiljøa. Men også tunge investorar utanfrå har kjøpt seg inn i næringa og er med på å utvikla denne i Sunnhordland.

Nokre av dei største aktørane er Alsaker Fjordbruk, Bremnes Seashore og Marine Harvest.

Her er også firma som leverer til havbruk.



Pionerar innan oppdrettsnæringa
Her finst også kystfiskarar, men dei mange sildolje- og sardinfabrikkane er for lengst historie.
Ein haustar frå havet i svært så kontrollerte former. Folk frå denne regionen var pionerar i oppdrettsnæringa, og i dag er mange hundre sysselsette i havbruk i Sunnhordland.

 

Helsesektor

2 av sjukehusa og 2 av DPS sentra til Helse Fonna ligg i Sunnhordland.

undefined
© Samarbeidsrådet for Sunnhordland

  • STORD SJUKEHUS

Stord Sjukehus er eit somatisk sjukehus på øya Stord. Stord kommune har 18793 innbyggjarar (tal frå 2018). Sjukehusregionen omfattar kommunane Stord, Bømlo, Fitjar, Tysnes og Kvinnherad, og har eit nedslagsfelt på ca 50 000 personar.
 

  • DPS Stord

Stord distriktspsykiatriske senter (DPS) tilbyr allmenne spesialisthelsetenester innan psykisk helsevern til innbyggarar i Bømlo, Fitjar, Stord og Tysnes kommunar.  Stord DPS og Stord BUP (barne- og ungdomspsykiatrisk) held til i lokale som ligg like ved Stord sjukehus. 
 

  • VALEN SJUKEHUS

Valen Sjukehus er eit psykiatrisk sjukehus som ligg på Valen i Kvinnherad kommune. Sjukehuset har fem sengepostar.
 

  • DPS Folgefonn

Folgefonn DPS er lokalisert på Valen og i Odda med poliklinikkar og døgnavdelingar. 
Døgnavdelingane skal gi eit allmennpsykiatrisk behandlingstilbod med fokus på utgreiing, diagnostisering og behandling.

 

Alle einingane ligg under Helse Fonna.


 

Tungvektarar innan offshore

Kværner på Stord har i ei årrekkje levert plattformer og produksjonsskip til offshoreindustrien. Leirvik AS har sidan 1974 vore verdsleiande når det gjeld produksjon av bustadmodular til plattformer.

Aasta Hansteen-plattforma i Digernessundet kort tid før slepet starta på vegen til Norskehavet.  Plattforma er den største i sitt slag i verda og Kværner Stord har assistert med ferdigstilling av skrog og plattform.
Foto:Toralv M. Brekke

Kværner Stord AS og Leirvik AS er saman med Wärtsilä Norway og Hydro Husnes tungvektarane i industrien i Sunnhordland.

 

Fleire bedrifter har sitt utspring i desse, og har spesialisert seg på ulike nisjer innan offshore-næringa. Advantec, Palantir og iDrift er gode døme her.

HMR-group med hovudkontor på Husnes og ei rekkje avdelingskontor er ein betydeleg aktør innan prosessindustrien.

Offshorenæringa har gitt grunnlag for eit hav av mindre bedrifter. Desse byggjer i ulik grad sin eksistens på samhandling med dei industrielle tungvektarane.

Næringsråda og/eller næringsservice i dei ulike kommunane kan gje meir info: 

Maritim næring

Dei kraftigaste industrilokomotiva i Sunnhordland er store leverandørar til maritim industri. 

Tal frå Statistisk Sentralbyrå/BRB viser at over 300 bedrifter i Sunnhordland opererer innan den maritime næringa. Reiarlaga er største delen av bedriftene som utgjer den maritime næringa, følgt av verft, tenesteleverandørar og utstyrsprodusentar.

Dei to viktigaste fiskerikommunane i Hordaland ligg i Sunnhordland: Austevoll og Bømlo.

Viktige aktørar innan maritim næring er:

 

 

Mangfald i offentleg sektor

Offentleg sektor utgjer ein stor og viktig del av sysselsetjinga i regionen. 

 

Her finst eit mangfald av spanande jobbmoglegheiter. I offentleg sektor i Sunnhordland finn ein:

 

Reiseliv

Reiselivsnæringa i Sunnhordland er sett saman av mange små verksemder.

Kulturarrangement held høg kvalitet og er svært attraktive, også for målgrupper utanfor regionen. Kort avstand frå hav til bre poengterer breidda i regionen.

Baroniet Rosendal

Moster Amfi og Baroniet Rosendal, Folgefonna, tilrettelagde båthamner, eit utvikla sykkelprodukt og fiske er aktivitetar og attraksjonar som set regionen på kartet reiselivsmessig.

 

Finn meir info på reiselivsportalen for Sunnhordland: Visit Sunnhordland.

Kor vil du bu?

Sunnhordland er industriregionen med industrielle tungvektarar i verdstoppen og ein underskog av livskraftige småbedrifter.

Finn din nye arbeidsplass her!

Anten du vil spela fotball, dansa, dukka eller samla frimerke i Sunnhordland - her er det eit lag eller ein forening for det meste.

Sjekk ut fritidstilboda her!

Regionen Sunnhordland omfattar åtte kommunar sør i Hordaland fylke, med eit av landets mest særmerkte og varierte landskap.

Sjå kva regionen har å tilby!

Kor vil du bu? Klikk her for å sjå bustader som er til sals i Sunnhordland!

Finn din nye heim her!