Fly og flyplass

Stord lufthamn Sørstokken er Sunnhordlandsregionen si lokale lufthamn. Her går det rutefly mellom Stord og Oslo.
Lufthamna Sørstokken ligg gunstig plassert på vestsida av øya Stord. Frå Leirvik sentrum tek det ca. 18 minuttar med bil ut til flyplassen. 

Flyruta mellom Stord og Oslo vert betent av Stordflyet, ved DAT - Danish Air Transport. Flyturen mellom Stord og Oslo tek omlag 1 time. Det er gratis parkering på Stord Lufthamn.

Ferje

Ferjene knyter mange av kommunane saman sjøvegen. Hovudåra via E39 mellom Sandvikvåg (Fitjar/Stord) og Halhjem (Os/Bergen) vert trafikkert av gassferjer. I løpet av 2019 vil strekninga bli trafikkert av heilt nye hybridferjer.

Her finn du dei ulike ferjesambanda, med lenkjer til avgangstider:

• Fjelberg - Sydnes (Halsnøy) - Utbjoa - Skjersholmane (Stord)
• Gjermundshamn - Varaldsøy - Årsnes
• Halhjem (ligg i Os, ca 45 min kjøring sør for Bergen) - Sandvikvåg (Fitjar/Stord) 
• Hufthamar (Austevoll) - Krokeide (Bergen)
• Husavik (Austevoll) - Sandvikvåg (Fitjar/Stord)
• Jektevik (Stord) - Nordhuglo - Hodnanes (Tysnes)
• Skjersholmane (Stord) - Ranavik (Halsnøy, Kvinnherad)
• Skånevik (Etne) - Matre - Utåker (Kvinnherad)
• Våge (Tysnes) - Halhjem (Os/Bergen)

Buss

Moderne ekspressbussar frå Kystbussen går flittig langs E39 mellom Bergen over øya Stord og til Stavanger.
Ekspressruter er det også langs E134 frå Haugesund via Etne til Oslo. Desse er det NorWay Bussekspress som trafikkerer.

På nettsidene til Skyss finn du rutetider for lokale bussamband i Sunnhordland.

Buss i retning Brandasund, Bømlo - © Toralv M. Brekke  

Hurtigbåt

Norled sine hurtigbåtar tek deg med til mange flotte stader i Sunnhordland. Dei driv også "Sunnhordlandsruta", hurtigbåt frå Bergen via Austevoll og Bømlo til Stord, samt Skånevik og Fjelbergøy.   

Rose Express frå Gulen Skyss fraktar deg mellom Eidesvik (Bømlo) til Espevær.

Hardangerfjordekspressen tek deg på ei vakker fjordreise frå Bergen til Rosendal på 2 timar. Båten går kvar dag heile året.

Tunnellar og bruer

Du kan køyra under sjøen mellom Halsnøy og Husnes (Halsnøytunnelen - avgift) og i tunnel gjennom Folgefonna. Folgefonna er den tredje største isbreen i Norge.

Stordabrua - © Toralv M. Brekke

Trekantsambandet knyter kommunane Sveio, Bømlo og Stord ferjefritt saman med både tunnel og bruer. 
Stordabrua og Bømlabrua, lavbrua Spissøybrua og den 7,8 km lange undersjøiske tunnelen Bømlafjordtunnelen utgjer Trekantsambandet.
Passering over Stordabrua og gjennom tunnelen er gratis. Avgift ved Spissøy, over Bømlabrua (Bømlopakken).

I det heile er det lett å kome seg til Sunnhordland frå både inn- og utland!

Sida vart sist oppdatert 04.01.2019.