Gud var i godlag då han skapte Sunnhordland. Den som har opplevt Sunnhordland, har fått inn heile landet, meiner Ivar Eskeland.

Mangfaldet er stort, frå blankskurte svaberg mot storhavet til blankisen på Folgefonna, tredje største isbreen her til lands.

Ein av dei sterkaste industriregionane i landet, med offshoreverft og  aluminiumsverk, skipsverft, havbruk og havfiskeflåte. Men også høgskule, sjukehus, flyplass og fastsamband. Og eit yrande kulturliv, med festivalar, urbant byliv, revyar og lokale korps, kor og teaterlag som gjer det godt å leva i regionen også etter arbeidstid.

Me som bur i Sunnhordland trivst her, vil du bu i Sunnhordland er du velkomen til oss. Me er vel  61.000 som bur her no, og som Eskeland sa det: Folkeslaget, så sjarmerande venleg og tenesteviljug at min medfødde blygskap forbyd meg å seia meir om det.