Høgskulen på Vestlandet (HVL) er ein av dei største utdanningsinstitusjonane i landet, med om lag 17 500 studentar. Kvart år uteksaminerer me over 3000 kandidatar som er med på å løyse viktige samfunnsoppgåver.

HVL skal bli eit profesjons- og arbeidslivsretta universitet. Utdanningane våre er praksisnære, og gjennom dei fem campusane våre er me tett på nærings- og samfunnsliv over heile Vestlandet. HVL har campusar i Førde, Sogndal, Bergen, Stord og Haugesund som alle har fleire bachelor-, master-, forskar- og vidareutdanningar.