- Ein perfekt arbeidsdag er når ein kan hjelpe studentar med å få studiedagen til å gå rundt.

• Kva type bedrift arbeider du i? Høgskulen på Vestlandet (HVL)
  
  
• Korleis fekk du denne jobben? Fekk først eit vikariat i november 2021, så fekk eg fast jobb i juni 2022.
  
  
• Kvifor var den interessant for deg? Eg arbeidde i administrasjonen på Internasjonalt kontor på Universitetet i Stavanger (UiS). Eg likar å arbeide med administrative arbeidsoppgåver og studentar.
  
  
• Kva går arbeidet ditt ut på? Tilrettelegging for studentar som er tilknytt Fakultet for lærarutdanning, kultur og idrett. Alt frå permisjonssøknadar til utdanningsplanar. I tillegg arbeidar eg med chattbotten til HVL og andre digitaliseringsoppgåver.
  
  
• Kvifor valte du å arbeide og busetje deg i Sunnhordland? Eg er fødd og oppvaksen på Stord og sakna familie og øyo mi. Har budd over 10 år borte og ønskte meg heim igjen. Spesielt koronapandemien gjorde det isolerande å bu i Stavanger.

• Kva er ekstra bra med å bu her forutan jobben? Rimelege husprisar, familie, og nærleik til fjell, natur og sjø.
  
  
• Kva er dine tips til andre som vurderer å flytte til Sunnhordland? Sunnhordland, - og spesielt Stord har alt ein treng av butikkar og aktivitetar. Det er og kort veg til Bergen og Haugesund om ein ynskjer ein  «bytur».
  
  
• Ein perfekt arbeidsdag for meg er: Ein perfekt arbeidsdag er når ein kan hjelpe studentar med å få studiedagen til å gå rundt. Livet har mange utfordingar, og spesielt i ei 5. årig utdanning slik som grunnskulelærarutdanninga, - så er det mange studentar som treng litt tilrettelegging slik at det skal gå bra.